حوادث
مغربي حاول يشنق راسو بعدما اتحكم ب 10 سنين ديال الحبس
شحال من واحد كيحلم باش إجي لأوروبا , أو بالأحرى كيحط رجليه بأوروبا و راسو عامر بأماني و أهداف باغي يحققها بعدما تقاتل باش غير يحط رجليه هنا , و المصيبة هي من بعد هادشي كامل يلقى راسو فالحبس يعني كلشي تدمر وللأسف هادشي واقع لبزااف من المهاجرين المغاربة , لأسباب ما ,كين اللي دارها بيديه و يستاهل العقوبة وكاين اللي مسكين الظروف اللي حتماتو يكون فالسجن , الله يكون فعوانهوم و الله يفك سراحهم و نسأل الله العافية.
هذا واحد من بين السجناء المغاربة كيتواجد بسجن لوكا بمنطقة طوسكانا بإيطاليا , شاب فعمرو 30 سنة , بعدما داز فمحكمة فلورينسا و اتحكم عليه بمدة 10 سنين ديال الحبس, ضاقت عليه نفسو و حاول يشناق راسو وينتاحر فالغرفة اللي كان مسجون فيها , والحمد لله تدخلو الحراس ديال السجن بسرعة و عتقوه من الجريمة اللي كان عيدير فراسو .
sawtlmohajir.com
