حوادث

تورط مغربيين فالوفاة ديال مغربية مطلقة بعدما تعرضت لضرب عنيف

وقعت جريمة قتل صباح الإثنين أي بداية هذا الأسبوع فجزيرة ساردينيا ,كانت الضحية ديالها سيدة مغربية فعمرها 34 سنة مطلقة و أم لجوج أطفال .

المسماة قيد حياتها حداد زينب توفات مباشرة بعدما تم أخدها للمستشفى بمدينة أوليبيا , بعدما اتصل مغربي بالإسعاف باش يخبرهم بالإعتداء اللي تعرضات ليه الضحية فحمام المنزل ديالها …وبعد ما تمت المعاينة ديال الضحية  تبين أنها تعرضت لتعذيب من خلال الجروح والضرب اللي كان باين وواضح بشكل كبير على الجسد ديالها و بالخصوص الرأس ديالها اللي تعرض لضربات متتالية …

بعدما توفات المغربية باشروا فرق الأمن بالتحقيق فالقضية و تم استدعاء مغربيين آخريين تبين باللي عندهم يد فالجريمة , الاول فعمرو 40 سنة و الثاني 36 سنة  وبعد ما تم عرضهم امام النائب العام , نفى الاول التهمة المنسوبة ليه و قال باللي الضحية تعرضت لحادثة عرض , فالوقت اللي صرح فيه المتهم الثاني و اعترف ان الضحية تعرضات للتعذيب من طرف المتهم الاول و حاول يفكها ولكن ما قدارش إقاوم المتهم الأول اللي كان فحالة هستيرية و كان متعاطي للمخدرات ومقدارش إفكها منو ؛

و قال باللي السباب اللي جعل المغربي الاول اضربها ويعذبها حيث الضحية اللي كانت كتشتغل سرباية فمقهى من مقاهي المدينة كانت على علاقة معاه , واكتشف من بعد أنها على علاقة بمغربي آخر , هدشي اللي خلاه افقد الأعصاب ديالو ويضربها بداك الشكل اللي أدى للوفاة ديالها

وبعدما استمعات المحكمة لأقوال المغربيين اللي هما مقيمين بشكل قانوني فسردينيا ,أمرت بالسجن المؤقت ديالهم حتى تكمل التحقيق فالقضية …

sawtlmohajir.com

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى