مهاجر مغربي ترك أثره الطيب في نفوس العديد من الأوروبيين

شاب كيحكي قصة حقيقية بطلها مغربي شافها بعينيه و تأثر بها بزاف وبدلات بزااف ديال أفكار غالطة كانت فالذهن ديالو على المغاربة اللي كيلقبوهوم فاسبانيا بالمورو…

قال الشاب الاسباني كنت راجع من واحد الحفلة وركبت فميترو , من بعد ركب واحد الشخص مدمن , كنت داير السماعات فوذني ومن شفتو كيبكي حيدت السماعة باش نعرف مالو ؛

المدمن كان كيبكي كيف كان مغربي جالس قدامي وكيتحدث مع المدمن وكينصحو باش يتغلب على الإدمان ويكون قوي ويكون عندو أمل فالحياة ؛

ومن بعد ناض المغربي وعنق الشخص المدمن و جلس حداه وحط يدو على كتفو وعطاه 10 يورو , وناض باش ينزل من الميترو ,المدمن ماقدارش يحبس من البكا وقبض الفلوس من المغربي وودعو …

الشاب اللي كتب هاد الواقعة ونشرها فالصفحة دالفايسبوك ديالو  اسمو “لوكاس سانشي”, واللي لقات شهرة كبيرة فصحف اسبانيا من بينها صحيفة ABC المشهورة ..

النفوس الطيبة دائما تبقي أثرا طيبا في قلوب الآخرين

sawtlmohajir.com