مانطوفا …اعتقال أب مغربي بعدما ضرب بنتو فمركز تجاري قدام الناس

يوم الأربعاء الماضي , بعد ما كانت عائلة مغربية كتتجول فسوق تجاري la favorita بمدينة مانطوفا , واللي كتكون من أبوين و أربعة ابناء , قامت بنت اللي فالعمر ديالها سبع سنوات من أخذ علبة ديال الحلوى بالتخبية وبعدما شافها الأب ديالها نهال عليها بالضرب على وجهها حتى طاحت على الأرض وجرها من شعرها قدام الناس وما توقفش من الضرب حتى تدخلو الناس و اتصلوا بالكارابينييري …

فورا حضرت الشرطة لعين المكان و تحققت من الضرب اللي واضح بشكل كبير على وجه البنت و اعتقلت الأب المغربي و اللي العمر ديالو 49 سنة ,,, و كان رد الأب أنه افقد الأعصاب ديالو ملي اكتشف أن بنتو حاولت تسرق وقام بالضرب ديالها باش يربيها و ماتعاودش تسرق مرة أخرى …

غادي تم متابعة الأب فحالة سراح بتهم الأفراط فاستعمال وسائل التأديب فحق الإبنة ديالو حسب الفصل 571 من القانون الجنائي الإيطالي و اللي غادي تكلفو الحبس لمدة مكتقلش على ست شهور ..

الله المستعان , الإنسان خصو يتقي الله فولادو ويصبر نفسو وبالخصوص فهاد البلاد شحال من مغاربة ومصريين وعرب خداو ليهم وليداتهم …وهادي عبرة لجميع الأباء

sawtlmohajir.com