معلومات قد تفيدك إن كنت ترغب في تغيير بلد الإقامة من إيطاليا إلى فرنسا

أي شخص كيتوفر على بطاقة الإقامة الإيطالية طويلة الأمد carta di soggiorno , عندو الحق يستقر فأي بلد أووبي شرط يكون تابع للدول التابعة لمنطقة شينغن ,و لكن و بطبيعة الحال كل دولة و عندها الشروط ديالها  .

فمثلا فرنسا و اللي هي الموضوع ديالنا , إلى كنتي كتتوفر على carta di soggiorno , عندك الحق تستقر فيها 3 اشهر , و من بعد خصك تمشي تقدم الطلب ديالك عند مصالح الامن الاقرب من السكن ديالك , مرفوق بالشروط التالية :

• إثبات أن لك مصادر مالية بقيمة 10 ألاف يورو فالسنة
• التغطية الصحية و اللي كتعتبر إجبارية على الجميع ففرنسا
• شهادة تثبت سبب رغبتك في البقاء على الثراب الفرنسي , إما دراسة أو عمل أو تدريب ….

•  أما الزواج من فرنسي أو فرنسية ماشي سبب للبقاء حيت عندو شروط أخرى و اللي كتتطلب الفيزا اللي دخلتي بها لفرنسا , إلا أنه كيعطيك فرصة الحصول على الجنسية الفرنسية بعد 4 او 5 سنوات من الزواج  (و لا انصحكم بهذا الزواج ).

اما إذا كنتي كتتوفر على أوراق الإقامة العادية permesso di soggiorno ,و باغي تستقر ففرنسا , فعندك الحق أنك تبقى فيها غير لمدة 3 أشهر فقط.