كيفاش تستقر فإيطاليا قانونيا بلا صداع بلا مشاكل

موضوعنا اليوم هو الطرق القانونية للدخول و الإقامة في ايطاليا , عندي ليكم بعض المعلومات اللي تقدر تفيدكم …أي مواطن عندو الحق يدخل لإيطاليا لكن بشروط ;

الوثائق اللي كيحتاج المسافر لدخول إيطاليا و الإقامة فيها بشكل قانوني 

كيحتاج المسافر للباسبور و فيزا (أسباب الدخول كتكون إما :  السياحة أو العمل أو الدراسة أو الزيارات العائلية ),و اللي كيحصل عليها من السفارة أو القنصليات ديال إيطاليا اللي كتواجد فالبلاد الأصلي لكل شخص.

والمدة الزمنية ديال الفيزا اللي كتحصل عليها باش تدخل إيطاليا إما فيزا  قصيرة المدة 3 أشهر , أو فيزا طويلة المدة , و كاينة أيضا فيزا  اللي المدة ديالها أقل من 3 أشهر . كتختلف مدة الفيزا حسب احتلاف الأسباب ديال كل مسافر .

الإقامة بشكل غير قانوني و الطرد

إذا ما كنتيش كتوفر على رخصة الإقامة أو فيزا أو تجاوزتي الحد القانوني اللي كان عليك تبقى فإيطاليا (حرقتي الفيزا ) , غاد تتعرض للطرد و بالتالي ما عاتكونش عندك فرصة للدخول مرة أخرى لإيطاليا ,إلا إذا كنتي كتوفر على شهادة كتثبت المدة الزمنية اللي ممنوع عليك تدخل فيها إيطاليا .

 اللي كتوفر فيه هاد الشروط كيتعتبر خارج عن القانون

_المهاجر اللي كيتواجد  فإيطاليا ودخل ليها بدون وثائق ( لا باسبور لا فيزا )

_المهاجر اللي كيتواجد فإيطاليا و دخل بشكل قانوني ,لاكن تجاوز المدة القانونية للفيزا.

 كل مهاجر ظبط بشكل غير قانوني فإيطاليا غادي ترجعو الشرطة لبلادو إذا كان مازال فالحدود و غادي تطردو إذا كان كيستقر فالبلاد . فبعض الحالات كيتم الحجز ديالو حتى تتعرف الشرطة على الهوية و الجنسية ديالو .

sawtlmohajir.com