متنوعة
سالفيني ما يقدرش اطرد المهاجرين الغير قانونيين ! وها علاش !!
كتشكل هاد الفترة اللي تنصب فيها سالفيني وزير الداخلية و اللي كينتمي لحزب معادي بشكل كبير للمهاجرين خلق قلق كبير فوسط المهاجرين وخاصة اللي كيتواجدوا بشكل غير قانوني فثراب ايطاليا ..
اولا هاد القلق جا نتيجة الخطابات اللي لقاها سالفيني بعدما تنصب واللي توعد فيها باش يوضع حد للهجرة نحو ايطاليا و باش يرجع جميع المهاجرين اللي بصفة غير قانونية للبلدان ديالهم
اللي بغيت نوضح أخي المهاجر ان سالفيني مايقدرش يرجع المهاجرين لبلادهم , حيث هاد الأمر ماشي ساهل وماشي بيدو هو , فمن الناحية الاقتصادية مايمكنش للدولة انها تجمع المهاجرين الغير قانونيين فمراكز اللي كيتم فيها تحديد الهوية لأنها خاصها تصرف على كل مهاجر قيمة 30 يورو فاليوم وهادشي ما تقدرش تقوم به الدولة حيت مازال كتمر بأزمة اقتصادية و هاد الرقم خيالي لان عدد المهاجرين الغير شرعيين فايطاليا كيمثل رقم كبير بزاف ؛
وحاجة اخرى ان ايطاليا مايمكنش ترحل شي مهاجر حتى توافق الدولة الأصلية للمهاجر بالترحيل ديالو ,وما تقدرش الطيارة تحط فدولة المهاجر اللي باغا ترحلو حتى توافق سلطات المطار على هبوط الطائرة وموافقة استقبال المهاجر ؛و هادشي اللي شبه مستحيل أنها تقوم به فالمغرب أو باقي الدول المغاربية والعربية حيت غادي يخلق فوضى كبيرة فالبلاد الأصلي .
أما بعض عمليات الترحيل اللي قام بها غير باش اشهر نفسو انه كيوفي للشعب اللي صوت عليه صحة الوعود ديالو ..ومابقاش قدامو غيرافتح قانون لتسوية اوضاع المهاجرين
sawtlmohajir.com
