قيمة الخلصة الشهرية فإيطاليا مقارنة مع باقي الدولة الأوروبية

اليوم غنتطرقو لموضوع الخلصة الشهرية فإيطاليا و القيمة ديالها و حتى الرتبة ديالها أوروبيا أي مقارنة مع باقي الدول الأوروبية ….

أولا الثمن ديال الساعة فإيطاليا كيتفاوت ما بين 5 و 17 يورو للساعة و لكن الأغلبية كتكون 8 يورو للساعة

بالنسبة لمتوسط الدخل الفردي للعامل العادي فهو كيتراوح ما بين 25 و 30 ألف يورو فالعام , فحالات خاصة كيهبط الدخل الفردي للعامل ل 18 ألف يورو فالعام و هي نسبة قليييلة مقارنة مع الدخل ديال الدول الأوروبية الأخرى ؛ أما صحاب الشركات كيوصل الدخل السنوي ديالهم حتى 200 الف يورو فالعام ,

بالرغم من هاد الأرقام أجيو نشوفو الترتيب ديال إيطاليا مع الدول الأوروبية بالنسبة للدخل الفردي

عندنا أولا أعلى قيمة فالخلصة هي  لوكسمبورغ , بعدها هولندا , بلجيكا , ألمانيا ,فنلندا ,النمسا ,فرنسا ,أيرلندا , و عاد كتجي إيطاليا فالرتبة التاسعة , ثم إسبانيا ..

 أما بالنسبة للخلصة الشهرية فالقيمة ديالها كتختلف حسب النوع ديال الخدمة اللي كتمارس , على العموم كيبقى أدنى دخل هو الدخل ديال العمال المزارعين ,و أعلى دخل كيخدوه الأطباء و الموظفين ديال الأبناك ومن بعدهوم كيجيو المهندسين و المحاسبين ,

الدخل الشهري لبعض الأعمال فإيطاليا بشكل تقريبي

5600 يورو كيتقاضاها الطبيب

4000 يورو طبيب الأسنان

2600 يورو موظف البنك

3000 يورو مهندس معمري

3200 يورو محاسب

4200 يورو مدير الموارد البشرية

1300 يورو عامل فمطعم

sawtlmohajir.com