سالفيني يسن قانون نزع الجنسية عن هذه الفئة من المهاجرين

 بشوية بشوية غادي حزب اليمين المتطرف حتى يحرم المهاجر من جميع الحقوق اللي كيتمتع بها فإيطاليا ,بحيث قامت بزاف ديال البلديات من إيقاف المساعدات الإجتماعية على المهاجرين و الأسر ديالهم , وقام وزير الشغل “دي مايو” على منع المهاجرين من “دخل المواطنة” اللي كيخص التعويض على البطالة, وزيادة على ذالك قام سالفيني بإلغاء طلبات اللجوء الإنساني و دابا كيحاول باش ينزع الجنسية الإيطالية من المهاجرين اللي سبق وحصلوا عليها .

لأول مرة فتاريخ الجمهورية الإيطالية وبعدما كانت الجنسية الإيطالية الممنوحة من المستحيل يتم نزعها من أصحابها بأي شكل من الأشكال , الآن و حسب “مرسوم سالفيني ” الخاص بالأجانب و اللي غيتم عرضه على البرلمان فالأيام القليلة الجاية , غيخول للسلطات الإيطالية الحق فسلب أو نزع الجنسية من أي مهاجر شافت السلطات الأمنية باللي كيمثل خطر على أمن الدولة , كيف ما كيحصل دابا مع المهاجرين اللي كيتم سلبهم أوراق الإقامة الدائمة فحالة تورطو فقضايا إرهابية .

sawtlmohajir.com