الله يرحم اللي رباك !مرة أخرى ,مغربي كيشرف بلادو بحسن الأخلاق ديالو

مرة أخرى مغربي فالطاليان كيشرف المغاربة و كيعطي صورة زوينة على الأمانة و حسن الأخلاق ,ملي لقى بالصدفة محفظة نقود مرمية جنب الطريق ,ماترددش فأنه يمشي و يسلمها للبوليس..

نواحي مدينة فوزينوني , صباح يوم 05/06/2018 , صادف مهاجر مغربي فطريقه واحد المحفظة مرمية على الأرض , بها وثائق شخصية و مبلغ بسيط بقيمة ثلاثين يورو , مشى بدون تردد لمركز الشرطة وسلمهم الأمانة…تسلموها بكل فرح وشكروه على حسن العمل اللي قام به و على الأخلاق الحسنة ديالو.

و سلمت الشرطة المحفظة المعثور عليها لصاحبها اللي كان كيقلب عليها لأهمية الوثائق اللي موجودين فيها.

رجعنا كنسمعو بزاف د المرات أخبار فحال هادي اللي كتفرح وكتبين الأمانة ديال المغاربة والأخلاق  اللي ترباو عليها من الصغر …هادو هما المغاربة اللي بغينا ماشي اللي كيسرقو ويقتلو ويديروا مشاكيل ..سير أخويا الله اكثر من مثالك

 sawtlmohajir.com