هكذا يمكنك حماية حسابك على الفايسبوك من السرقة

مؤخراً لاحظت سرقة العديد من الحسابات لأصدقاء،هنا بغيت ندوي علا كيفاش تحمي راسك من هاد السرقات وأخطاء لكنديروهم بغباء ومكنردوش البال ليهم وغادي نديرهم علا شكل نقط،لكن خاصكم تعرفوا أنه مايمكنش يمشي ليك فايسبوك من غير هادشي؛
1-الخطأ الأول باش كيمشي فايسبوك أنك كتحل فايسبوك ديالك في Cyber أو عند شواحد وواخا تسجل الخروج كاين برامج كتجبد ايمايل ورقم السري لستعملتي.
2-أنك كتفتح الإيمايل عند شواحد كتنساه او حتا اذا خرجتي منو،برنامج بسيط كيطلع ايمايل ورقم السري،وهنا كيدير هذا لمسالي راسوا نسيت رقم السري ،وكحط ايمايل كوصلوا كود وكيبدل كلشي.
3-أنه كيتصل بيك شخص كقوليك ربحتي معانا،وكقول ليك غادي يوصلك كود،قولوا لينا،وهنا مشا ليك فايسبوك.
4-هاد طريقة منتشرة بزاااف هي شواحد كيصيفط ليك رابط كتدخل ليه،كيطلع ليك صفحة مزورة بحال فايسبوك،كتمشي دخل ايمايل ورقم سري،وكيوصل داك خونا لصيفطوا ليك
5-متسجلوس بالفايسبوك في مواقع لكتطلب التسجيل بيه
بس:حتى اذا كنت مضطر تحل فايسبوك او ايمايل عند شواحد كيف تخرج بدل رقم سري،وديما ردوا البال ونتوما كتدخل رقم السري انه مكاينش كاميرات ،او حاول تخبي ونت كتدخل رقم سري،من غير هاد الطرق مايمكنش شواحد يسرق ليك فايسبوك.
وفِي الاخير هاد سرقة داخلة في جريمة الكترونية ،توجه مركز الشرطة وراه كاينة الشرطة المعلوماتية ةويقدروا يعرفوا مني مشا ليك فايسبوك منين دخلوا ليه والايبي وحتى المكان بالضبط،وقبل ماتوصلوا لهادشي رقم سري يكون قوي وفيه رموز،ورد بالك داكشي لمكتوب لفوق ومعمروا غادي يمشي،ولسلامة اكثر اكتيڤي GÉNÉRATEUR CODE،باش حتى اذا شواحد عرف رقم سري ديالك غادي يخصوا هاد كود لغادي يوصلك في ميساج او من تطبيق فايسبوك ليفي هاتف.

صوت المهاجر

sawtlmohajir.com