استشارات و قوانين
بلا ما تسنا خمس سنين !! يمكنك بيع سيارتك من يوم تعشيرها
خبر سار للجالية المغربية فيما يخص موضوع تعشير السيارات , حيث قامت المديرية العامة للجمارك بتعميم مذكرة جديدة بتاريخ 30 ماي من هذه السنة و التي تنص على إعفاء الجالية المغربية من مدة الاحتفاظ بالسيارات ديالهم اللي سبق ودخلوها للمغرب و عشروها, و اللي كتمثل في 5 سنوات , و هاد القانون الجديد كيخص الجالية المتقاعدة اللي باغين يعشروا السيارات ديالهم و يستافدوا من الإعفاء من ضريبة التعشير بنسبة 90 % و اللي كان نص عليه قانون المالية فالسنوات الماضية .
للتوضيخ أكثر , هاد القانون الجديد كيعني الجالية المغربية المتقاعدة و اللي كتوفر فيها هاد الشروط :
أولا _المتقاعدين اللي السن ديالهم كيتجاوز 60 سنة
ثانيا _أن يكونو قد قضوا 10 سنين فالمهجر بطريقة قانونية أي كيتوفروا على وثائق الإقامة .
كيخول القانون الجديد لهاد الفئة المعنية , أنه عوض المدة اللي كانوا كيتسناو باش إدوزوا السيارة ديالهم من بعد التعشير و اللي هي 5 سنوات لملكية شخص آخر , فالآن و ابتداءا من تاريخ 30/05/2018 هاد مدة الإنتظار ما بقاتش , أشنو زعما !!! زعما من الآن يمكن لأي شخص يبيع السيارة ديالو من نهار التعشير .
لكن الشرط الوحيد هو أن كل متقاعد مغربي عندو الحق مرة واحدة فقط في هاد الإمتياز .
ملاحظة: أوراق التعشير الجديدة التي تسلم الى المغاربة المتقاعدين ما غاديش تكون فيها عبارة “غير قابلة للبيع طيلة خمس سنوات”.
sawtlmohajir.com
