وكالة أسفار بطورينو نصبات على مئات المغاربة بتذاكر سفر مزورة

شرطة طورينو لقات القبض البارح الخميس على مغربي صاحب وكالة للأسفار و اللي كيبلغ 33 سنة , بتهمة النصب و الاحتيال على بزااف ديال المغاربة اللي تعاملوا معاه و احجزوا تذاكر السفر للمغرب ومن بعد تفاجأوا فتاريخ الرحلة ديالهم باللي مامسجلينش فالائحة دالمسافرين …

صاحب الوكالة “لينا للأسفار”  واللي كتتواجد فمنطقة بورطا بالاتسو اتهموه العديد ديال المغاربة بالنصب و التزوير و السرقة , و بدات هاد الموجة ديال الاتهامات من عام 2016 بحيث احتجوا العشرات دالمغاربة قدام الوكالة و اتدخلات الشرطة فالموضوع و اتسجلت الشكايات الأولى للمغاربة ضد الوكالة و مع الوقت ولحد الآن تجاوزو الشكايات اكثر من 200 شكوى ضد الوكالة …

ومن بين الشكاوى اللي دلاو بها الضحايا المغاربة للشرطة ؛ ان واحد الضحية فتاريخ السفر اللي احجزوا فوكالة الأسفار المذكورة , فحالو فحال جميع المسافرين حتى كيتفاجئ بأنه مامسجلش فالائحة ديال المسافرين وخا كيتوفر على ريتشيفوطا ديال الخلاص .

و ضحايا أخرين صرحوا باللي تصدموا بعدما مشاو فطوموبيلاتهم ومع عائلاتهم باش يسافروا فالباخرة ويدوزوا عطلة فالمغرب ,كيتفاجأوا أنهم مامسجلينش ومامقطعينش التذكرة ديال السفر والتذكرة اللي عندهم كتحمل غـــــــــير التوقيع ديال الوكالة ليس إلا  , يعني باللي تعرضوا للنصب والشمتة وكلشي و السرقة كاين اللي دافع 1000 يورو فالباطو وكاين اللي دفع حتى 4000 يورو على حسب العدد ديال العائلة اللي مسافرين ..

بعدما سمعت المحكمة لأقوال الضحايا و أقوال المتهم المغربي صاحب الوكالة للأسفار واللي كان مدعوم بجوج ديال المحامين باش يدافعو عليه , قررت المحكمة باش تأجل القضية حتى لنهار 20 فشهر نونبر الجاي .

sawtlmohajir.com