المغرب يتدخل في قضية الحكم بحرق جثة مهاجر مغربي

بعد الحكم الصادم اللي صدر فمحكمة فرنسية بمديينة بوردو فحق مهاجر مغربي واللي كيقضي بحرق الجثة ديالو تحت الطلب ديال الزوجة ديالو والتقاليد ديال الديانة ديالها الكاتوليكية  ؛

شكل هاد الحكم القضائي أزمة نفسية كبيرة عند الجالية المسلمة بصفة عامة و عند عائلة المتوفي بصفة خاصة ,بحيث دقوا جميع الأبواب و حاولا بجميع الطرق باش ما يتمش تنفيد الحكم بالحرق وطالبوا بتسليم الجثة باش يتم الدفن فالمغرب على الطريقة الإسلامية ..

وغذا الجمعة غادي تنظم الجالية المسلمة بالمدينة مسيرة باش يحتجوا على الحكم اللي صدر فحق المهاجر المغربي و المطالبة باش يتم تسليم الجثة للسلطات المغربية .

وجا اليوم الخميس رد الوزير الخلفي الناطق باسم الحكومة بأنه من المستحيل يتم قبول هاد الحكم اللي صدر بفرنسا فحق المواطن المغربي المتوفي فالديار الفرنسية .

وقال في لقاء صحفي “كنطالبو بالمراجعة ديال هاد الحكم اللي فيه مس وجرح للكرامة ديال المواطن المغربي اللي توفى بما فيه العائلة ديالو فالمغريب , وهاد الأمر ما يمكنش يتم القبول ديالو كيف ما كانت الظروف “.

sawtlmohajir.com