القبض على مهاجرة مغربية بعد محاولة شراء رضيعة مقابلة مليون سنتيم
المتاجرة فالأبناء جريمة يعاقب عليها القانون و للأسف مازال كتتواجد فبلادنا بشكل كبير و بالأخص ملي كيكونو الأبناء نتيجة علاقة غير شرعية..
حدثت مؤخرا قضية من نفس النوع مع مهاجرة مغربية من إيطاليا و خادمة مغربية وبالضبط فمدينة الدار البيضاء , بحيث اتفقت المهاجرة و اللي فالسن ديالها 33 سنة مع خادمة كتبلغ 24 سنة على شراء ابنة الأخيرة مقابل مليون سنتيم باش تتبناها كإبنة ليها و تجيبها لإيطاليا و تصاوبليها الوراق…
بعدما تم الإتفاق بين الطرفين توجهوا للملحقة الإدارية باش يصادقوا على التزام كتقر فيها الخادمة على التخلي على الرضيعة ديالها وتسليمها للمغربية المقيمة بإيطاليا , إلا أن موظفو الإدارة علموهوم أن الأمر ماشي بهاد البساطة و إنما كيحتاج للعديد من الإجراءات القانونية اللي لازم يمر بها باش يتم قبول طلب تبني الرضيعة …
الشيء اللي جعل المهاجرة كتصرح أنها سلمت الخادمة مبلغ مليون سنتيم مقابل هذا التبني و أنها كتطالب باش ترجع ليها فلوسها ,فحين نكرت الخادمة و أصرت باللي ما خداتش الفلوس من عند المهاجرة , الشيئ اللي جعل الموظفين اتصلوا بالبوليس اللي حضر و خذا السيدتين لمركز الشرطة للإستماع اليهما قبل ما تم الإحالة ديالهم لوكيل الملك بمحكمة الدار البيضاء.
وبعد الإستماع للطرفين تبين أن الخادمة هي أم للرضيعة بطريقة غير شرعية و كان الغرض من تسليمها للمهاجرة هو التخلص من الفضيحة و نفس الوقت المهاجرة كانت كترغب باش تتبنى الرضيعة و تاخذها معاها لإيطاليا غير أنهم ما قاموش بالإجراءات القانونية اللي لازم يقومو بها و نكران الخادمة للمبلغ اللي تسلماتو من المهاجرة خلا النيابة العامة تتحقق فالأمر ..
sawtlmohajir.com
