مهاجرة مغربية تتعرض للإغتصاب و الإحتجاز من ولد بلادها بمدينة ميلانو

وقعت حادثة اغتصاب و كذالك احتجاز الأسبوع الماضي و بالضبط ليلة الخميس بمدينة ميلانو  , بطلها مهاجر مغربي كيبلغ من العمر 30 سنة و الضحية بنت بلادو المغربية أيضا و اللي عمرها 32 سنة…
بعدما كانت المهاجرة المغربية خارجة من مقهى ليلي وقفت طاكسي اللي كانت الجنسية ديالو مغربي أيضا و طلبت منو يوصلها للمنزل ديالها
لكن السائق المغربي كانت نواياه الخبيثة , بحيث رغمها باش تمشي معاه للمنزل ديالو وجبد  فوجهها سلاح أبيض باش تسمع كلامو وماتغوتش ,؛ وصل رفقة المغربية للمكان اللي كيسكن فيه فمنطقة “كورسيكو” , وطلب من الشبان اللي كيسكنو معاه فنفس المنزل باش يخرجو ,؛ اعتدى على الضحية و خرج وساد عليها البيت بالساروت وخذاليها الهاتف ديالها .
مع الصباح تقريبا الساعة 10 , تم إبلاغ الشرطة على مغربية كتتواجد فشارع نفس المنطقة فحالة يرثى لها, بعدما هربات من الشرجم ديال البيت اللي كانت محتاجزة فيه ؛

 
شهدوا الجيران أنهم سمعوا شي غوات بالليل , وحتى المتهم اعترف بطريقة غير مباشرة ملي شدوه البوليس , قاليهم” واش كيتعلق الموضوع باللي وقع لي مع ديك السيدة” !!.

قبل بضعة أشهر تسجلوا شكايات مماثلة لسائق طاكسي تعرض لفتيات خارجات من مقاهي ليلية و كيغتصبهم ويسرقهم

sawtlmohajir.com