أول طرد كيقوم به سالفيني من بعد ما تعين وزير الداخلية

بعد ما كان تم طرد المهاجر المغربي “رشيد السراج” ذو الأربعة و أربعين سنة من إيطاليا و مباشرة بعد خروجه من السجن  عام 2016 بمدينة بياتشينسا اللي دوز فيه 10 سنين ديال الحبس , سمحات ليه الدولة قبل الطرد برخصة  فيها  10 أيام فقط باش يرجع يدخل إيطاليا , من أجل أنه يرفع دعوى ضد الحراس ديال السجن اللي قال  أنهم عذبوه بزاف ففترة الإعتقال ديالو,

لكن بعد ما رجع دخل إيطاليا مشى اتخبى عوض ما يمشي يدعي الحراس كيفما كان كيطالب فالأول و تجاوز المدة  اللي سمحاتليه الدولة لرجع فيها لإيطاليا , زيادة على ذالك هو متهم بتهمة الإرهاب هادشي اللي خلا البوليس اشدوه مرة أخرى

اتجهت الشرطة البارح الأربعاء لبيت الزوجة ديالو الإيطالية بمدينة كومو و لكن “سراج” هراب فسيارة الزوجة ديالو و ما قبضو عليه حتى تقلبت السيارة اللي كان راكبها .

كان مع “سراج” تسجيلات صوتية سجلها أثناء الإعتقال ديالو كتبين الإعتداء اللي تعرض ليه و اللي بينوها مؤخرا فبرنامج “لي ييني”.
 

  و بالتالي الطرد ديالو هو أول طرد كيقوم به سالفيني من بعد ما تعين وزير الداخلية  و ما غاديش يكون مسموح ليه باش يدخل إيطاليا حتى من بعد 10 سنين.

sawtlmohajir.com