مهاجر مغربي بطورينو يعترض قطار لمدة 40 دقيقة لإنزال ابنته منه

تربية الأبناء بإحدى الدول الأوروبية تبقى أمرا صعبا مهما اجتهد الآباء في تعليمهم القيم الأخلاقية و الدينية التي هي أصل لنا ,عكس التي نعيشها في وطن تحتم علينا الإستقرار فيه؛ إلا أن احتكاك الأبناء بزملائهم أصدقائهم جيرانهم في بلد ترعرعوا فيه يبقى صعبا للإمتثال لطاعة الآباء في نصائحهم ’لا أقول الجميع و لكن هذا ما يحدث على العموم … نسأل الله ان يحفظ ابناء و بنات المسلمين ؛

وقع مؤخرا فمحطة القطار  volpiano بنواحي طورينو  واحد الامر غريب اللي اربك المسافرين و زعجهم نوعا ما , بحيث قام مهاجر مغربي بالإعتراض لمسار قطار محمل بالركاب كان غادي يبدا الرحلة ديالو من نفس المحطة فالإتجاه ديال مدينة طورينو …

بعد ما قام المغربي البالغ من العمر 53 عام  بالوقوف على السكة الحديدية واعتراض سبيل القطار فموقف اللي اخلق الدهشة للجميع , وامتنع من الإبتعاد حتى تنزل الإبنة ديالو اللي كانت من بين ركاب القطار و اللي سن ديالها 17 عام   

و اللي تبين من بعد أن الأب كان رافض السفر ديال بنتو اللي قررات بدون الإذن ديالو السفر لطورينو بحجة تتلاقا صحابتها ..

إلا أن البنت ما نزلاتش و الأب ما بغاش يتحرك من بلاصتو , هادشي خلا السائق يتصل بشرطة السكك اللي تداركو الأمر لأن هاد الموقف تسبب للمسارين فتعطيل , قاموا الشرطة بإنزال البنت اللي كانت مخبية فحمام القطار …

تم الإصطحاب ديال الأب و بنتو لمركز الشرطة باش يفتحو متابعة قضائية فحق المغربي بتهمة الإعتراض للقطار و تأخير الرحلة ديال المسافرين , و ثانيا باش يتحققو من العلاقة ديال الأب و بنتو اللي صرحت باللي الوالد ديالها ما خلاهاش تمشي تشوف صحاباتها بمدينة طورينو .

sawtlmohajir.com