1,2كيلو من الحشيش فبطن مهاجر مغربي تم اعتقاله فمطار بولونيا

مهاجر مغربي كيبلغ فوق الثلاثين عام كان راجع من المغرب فاتجاه إيطاليا لكن تم الإعتقال ديالو فمطار بولونيا  “ماركوني”,بسبب بلعه 113 كبسولة ديال المخدرات فالبطن ديالو كان كيحاول إدخلها لإيطاليا …لكن حصل حصلة خايبة؛

وقعت الحادثة فأول الشهر فمطار بولونيا من خلال مراقبة روتينية ديال رجال الأمن للمسافرين ,إلا أن المغربي كان باين عليه التوتر بشكل كبير الشيء اللي خلاهم يشكو فأمرو ..وطلبوا باش يتم النقل ديالو لمستشفى سانت أرسولا باش يتم إجراء صورة بالأشعة (الراديو) ’ واللي بالفعل بينت كبسولات كثييرة فالأحشاء ديالو ,و اللي كيتطلب إخراجها 3 أيام بقى خلالها المسافر بالمستشفى حتى تكتمل الإجراءات , تم إخراج 113 كبسولة واللي كتعادل 1,2 كيلو من الحشيش الممتاز وكيتقدر الثمن ديالها 10 آلاف يورو  …

تم نقل المهاجر المغربي تحت أمر من النيابة العامة للسجن حتى يتم عرضه على المحكمة لتحديد العقوبة اللازمة في حقه.

sawtlmohajir.com